रुसको कामचाट्कामा ८.८ रिक्टरको भूकम्पपछि “रिंग अफ फायर” क्षेत्रमा ज्वालामुखी र सुनामीको संकेत

काठमाडौं, साउन २०

रिंग अफ फायर

रुसको कामचाट्का द्वीपमा गत साता ८.८ रेक्टर स्केलको शक्तिशाली भूकम्प गएको केही दिनपछि, "रिंग अफ फायर" क्षेत्रका विभिन्न भागहरूमा ज्वालामुखी विस्फोट र सुनामीको खतरा बढेको छ। यो भूकम्प पछिल्लो दशकको सबैभन्दा शक्तिशालीमध्ये एक हो र यसको प्रभावले क्षेत्रीय स्थायित्वमा गम्भीर असर पार्ने संकेत देखिएको छ। रुसी आपतकालीन मामिला मन्त्रालयका अनुसार, भूकम्पको चार दिनपछि क्रशेनीनिकोभ ज्वालामुखी विस्फोट भएको छ। यो ज्वालामुखी ५०० वर्षपछि पहिलोपटक सक्रिय भएको हो। विस्फोटपछि ६ हजार मिटरको उचाइमा खरानीका मुस्लाहरू फैलिएपछि प्रभावित क्षेत्रमा हवाई सेवा बन्द गरिएको छ।

रिंग अफ फायर क्षेत्र भित्रको जोखिम

भूगर्भविद्हरूका अनुसार, कामचाट्का क्षेत्र तथाकथित "रिंग अफ फायर" मा पर्छ — जुन विश्वको सबैभन्दा सक्रिय भूगर्भीय क्षेत्र हो, जहाँ विभिन्न टेक्टोनिक प्लेटहरू एक-अर्कासँग ठोक्किँदा भूकम्प, ज्वालामुखी विस्फोट र सुनामीका घटना भइरहन्छन्। रिंग अफ फायर ४० हजार किलोमिटर क्षेत्रमा फैलिएको छ र यसमा जापान, रुस, फिलिपिन्स, इन्डोनेशिया, न्युजिल्यान्ड, अमेरिका, क्यानाडा, चिली, पेरु लगायतका देशहरू पर्दछन्। भर्खरैको तथ्यांक अनुसार, जुलाई महिनामात्रै यस क्षेत्रमा ६ वटा शक्तिशाली भूकम्प गएका छन्।

वैज्ञानिकहरूद्वारा चेतावनी

भूगर्भीय विश्लेषण अनुसार, रिंग अफ फायर क्षेत्रको हालको सक्रियताले आगामी दिनहरूमा अझ गम्भीर पराकम्प, ज्वालामुखी विस्फोट, र सुनामी ल्याउने जोखिम रहेको छ। वैज्ञानिकहरू विशेषतः अमेरिका, जापान, चिली र रुस क्षेत्रलाई उच्च जोखिममा रहेको भन्दै सावधानी अपनाउन सुझाव दिइरहेका छन्।